அழகிய தேவதையே அருகே வா...

"அப்பா இன்று ஓர் ஆய்விற்காக அரவிந், சுமித்துடன் வெளில போறன் வந்ததும் கதைக்கிறன்” வினோத் அப்பாவிடம் தொலைபேசியில் வெளியூர் போவதைப்பற்றி கூறி விட்டு தொலைபேசியை அணைத்து விட்டான்.

- றொசில்டா அன்டன்

பல்கலைக்கழகத்தில் அறிமுகமான நண்பர்களே அரவிந், சுமித் பல்கலைக்கழகத்தில் பாடம் சம்மந்தமாக காட்டுப்பகுதியில் இருக்கும் பறவை விலங்குகளின் வாழ்வியல் தொடர்பான ஆய்விற்காக செல்வதாக புறப்பட்டார்கள்.

அரவிந்தின் அப்பா தனக்காக பாவிக்கு ஜீப் வண்டியில் அவர்கள் மலைகள் சூழ்ந்த காட்டுப்பகுதியையே தமது ஆய்விற்காக தேர்ந்தெடுத்திருந்தார்கள். "மச்சான் வினோத் நாங்க போற மலைக் கிராமங்களில் அழகான பெண்கள் இருக்கிறாங்களோ?" சுமித் மிக ஆவலாக கேட்க இரு நண்பர்களும் ஹ...ஹ...ஹ... என்றே சிரித்து விட்டனர். "இல்ல மச்சான் அங்க அழகிய தேவதைகளே இருக்குதாம் நீ பாக்கலாம்... மீண்டும் சிரிப்பு.

மலை வளைவுகள் நெளிய நெளிய "செந்தாளம் பூவில் வந்தாடும் தென்றல் என்மீது மோதுதம்மா...அம்மம்மா... ஆனந்தம்... வினோத் ஜீப்பிலிருந்து இயற்கையை ரசித்தபடியே பாடிக்கொண்டுவர... அவர்கள் வரவேண்டிய காட்டுப் பகுதியும் வந்தது..ஓங்கி உயர்ந்த இராட்சத மரங்கள், மலைப்பாம்புகளா என அச்சமூட்டும் கொடிகள் கத்தல், கீச்சிடல், ஓலம் என அத்தனை மாயாஜால ஒலிகளையும் ஒன்றாக இசையமைத்தது காடு... அவர்களின் ஆராய்ச்சி வேலைகளை வெகு விரைவாக செய்து கொண்டிருந்தார்கள் மாலை ஐந்து மணிக்குள் காட்டைவிட்டு வெளியேறிவிட வேண்டும். காட்டிலாக்கா அதிகாரிகளின் கட்டளை...

"டேய் மச்சான் வெளிக்கிடுவம் ஜீப்பும் நீரோடைக்கு கிட்ட நிப்பாட்டியிருக்கு அதையும் பரிசோதித்து எரிபொருளை நிரப்பி ஆயத்தப்படுத்த வேணும். * பேசிய வண்ணமே நீரோடைக்கருகில் வந்தவர்களுக்கு பேரதிர்ச்சி ஜீப் வண்டி தலைகீழாக கிடந்தது.

யானைக் கூட்டமே அவ்விடத்தை கடந்த தடயங்கள் தெரிந்தது.

மிகப் பிரயத்தனம் செய்து ஜீப்பை நிமிர்த்தினார்கள். ஆனால் துரதிஸ்டவசமாக என்ஜின் இயங்கவே இல்லை.

"என்னடா மச்சி செய்வம்" "இருட்டிறதுக்கிடையில் பக்கத்தில ஆட்கள் இருக்கிற இடமாக போவம் நாளை வண்டிய எடுக்க ஆட்களை செட் பண்ணுவம்." இருள இருன திக் திக நிமிடங்கள் அவர்களுக்காகவே காத்திருந்தது.

அந்த காட்டுப் பகுதியில் வெளியுலகத்துடன், தொடர்பில்லாத ஒரு கிராமம் இருந்தது.

அந்தக் கிராமத்திற்குள் நுழையவர்கள் யாரும் உயிருடன் வெளியே வந்ததில்லை.

அந்தக் கிராமத்தைப் பற்றிய பயங்கரமான கதைகள் தலைமுறை தலைமுறையாகப் பேசப்பட்டு வந்தன.