கெங்குவார்பட்டி பேரூராட்சியில் நடப்பது என்ன? துணைத் தலைவர் குடும்பத்தை வம்புக்கு இழுக்கும் பேரூராட்சி தலைவர்

தேனிமாவட்டம் பெரியகுளம் அருகே கெங்குவார்பட்டி பேரூராட்சி தலைவராக பட்டியல் சமூகத்தைச் சார்ந்த தமிழ்ச்செல்வி என்பவர் இருந்து வருகிறார். இவர் துணைத் தலைவர் ஞானமணியின் கணவரும் கெங்குவார்பட்டி திமுக பேரூர் கழக செயலாளருமான S.P. தமிழன் மற்றும் அவரது மகனும், தேனி வடக்கு மாவட்ட திமுக மாணவரணி அமைப்பாளருமான வழக்கறிஞர்S.P.Tஸ்டீபன் பரிந்துரையின் பெயரில் தலைவியாக தேர்ந்தெடுக்கப்பட்டார்.

- 

இவர் பேரூராட்சி மன்ற தலைவராக பதவி ஏற்றது முதல் தற்போது வரையிலான மூன்றாண்டு கால கட்டத்தில் பல்வேறு குற்றச்சாட்டுகளுக்கு ஆளான நிலையில் இவர் மீது நம்பிக்கையில்லா தீர்மானம் வரை கொண்டுவரப்பட்டது.

நிர்வாக முறைகேடுகளுக்காக இவர் மீது உயர் நீதிமன்றம் வரை பல வழக்குகள் தொடுக்கப்பட்டு நிலுவையில் இருந்து வருகின்றது. இவரது கணவரும் ஆசிரியருமான சௌந்தர பாண்டியனின் தலையீடு கெங்குவார்பட்டி பேரூராட்சி நிர்வாகத்தில் அதிக அளவில் இருந்து வந்துள்ளதாக கூறப்படுகிறது.

அரசு பள்ளி ஆசிரியரான கெங்குவார்பட்டி பேரூராட்சி தலைவர் தமிழ்ச்செல்வியின் கணவர் கெங்குவார்பட்டி பேரூராட்சி நிர்வாகத்தில் அதிக அளவில் தலையீடு செய்தும், சக கவுன்சிலர்களை அவமரியாதையாக நடத்துவதும், அவர் சொல்லும் வார்டுகளுக்கு மட்டும் நிதி ஒதுக்கி பணிகள் செய்வது என்று பாரபட்சம் காட்டியுள்ளார்.