Pad raak nou baie steil

Botrivier mors met Wesbank

- David Rossouw

Nadat Wesbank verlede Saterdag (18 Oktober) deur Vredenburg gelykop gehou is, was dit terug na die tekenbord toe vir Mcneil Hendricks en sy troepe vir die derde-ronde-wedstryd van die Sanlam-Boland-Top-12 teen Botrivier.

Hoewel Wesbank se verdediging in die eerste 10 minute uitstekend was, kan dieselfde nie van sy algemene spel gesê word nie. Botrivier het eerste bloed geruik toe PJ Besters 'n goeie agterlyn-beweging in die regterhoek afgerond het. Ongelukkig is die doelskop gemis, maar Botrivier het seker gemaak hy kry die neus voor.

Wesbank het die tuisspan drie minute later tot foute gedwing en 'n strafskop in Botrivier se 22-m-gebied gewen, wat Wesbank kantlyn toe geskop het.