నష్టాల్లో స్టాక్ మార్కెట్లు

• విదేశీ ఇన్వెస్టర్ల అమ్మకాలతో కుదేలైన సూచీలు • ఒకేరోజు 769 పాయింట్లు కోల్పోయిన సెన్సెక్స్ రికార్డు స్థాయికి పడిపోయిన రూపాయి విలువ • బడ్జెట్ అంచనాలతో ఇన్వెస్టర్లలో ఆందోళన

- 

వరుస నష్టాల నుంచి గురువారం కాస్త కోలుకున్న సూచీలు శుక్రవారం మళ్లీ నష్టాల బాట పట్టాయి. విదేశీ మదుపర్లు గురువారం 2,549 కోట్ల రూపాయల విలువైన షేర్లను అమ్మేయడం నెగిటివ్ గా మారింది. డాలర్ తో పోల్చుకుంటే రూపాయి మారకం విలువ రికార్డు స్థాయికి పడిపోవడం, క్రూడాయిల్ ధరలు పెరగడం, అదానీ గ్రూప్ హెవీ వెయిట్ షేర్లలో అమ్మకాలు, అంతర్జాతీయంగా ప్రతికూల సంకేతాలు సూచీలను వెనక్కి లాగాయి. దీంతో సెనెక్స్, నిఫ్టీ నష్టాలతో రోజును ముగించాయి.