వేగంగా కాజీపేట రైల్వే మ్యానుఫ్యాక్చరింగ్ పనులు

యూనిట్ని తనిఖీ చేసిన కేంద్ర మంత్రి కిషన్ రెడ్డి

- 

కాజీపేటలో రైల్వే మ్యానుఫ్యాక్చరింగ్ యూనిట్ నిర్మాణ పనులు వేగంగా సాగుతున్నాయని కేంద్ర మంత్రి కిషన్ రెడ్డి అన్నారు. ఈ మేరకు శనివారం నాడు ఆయన కాజీపేటలోని రైల్వే మ్యానుఫ్యాక్చరింగ్ యూనిట్ ను తనిఖీ చేశారు. దక్షిణ మధ్య రైల్వే జనరల్ మేనేజర్ సంజయ్ కుమార్ శ్రీవాస్తవ ఇతర సీనియర్ అధికారులు కూడా ఈ కార్యక్రమంలో పాల్గొన్నారు. కేంద్ర మంత్రి రైల్వే మ్యానుఫ్యాక్చరింగ్ నిర్మాణంలోనున్న ప్రదేశాలను సందర్శించి, కొనసాగుతున్న నిర్మాణ పనుల పురోగతిని ఆయన సమీక్షించారు. పని ప్రదేశాలలో తీసుకుంటున్న భద్రతా చర్యలను కూడా ఆయన పరిశీలించారు. ఈ సందర్భంగా కేంద్ర మంత్రి జి. కిషన్ రెడ్డి మీడియా ప్రతినిధులను ఉద్దేశించి మాట్లాడుతూ, తెలంగాణ రాష్ట్ర ప్రజల చిరకాల స్వప్నం త్వరలో సాకారమవ్వబోతోందని అన్నారు.