ગુજરાત યુનિવર્સિટીને મળશે નવા કુલપતિ? આજે પૂર્ણ થશે નીરજા ગુપ્તાનો કાર્યકાળ

ગાંધીનગરની સમર્પણ કોલેજના પ્રિન્સિપાલ ડો. આશિષ દવેનું નામ સૌથી આગળ

- 

રાજ્યની સૌથી મોટી ઉચ્ચ શિક્ષણ સંસ્થા ગુજરાત યુનિવર્સિટી, જ્યાં બે લાખથી વધુ વિદ્યાર્થી અભ્યાસ કરે છે અને ૨૩૫થી વધુ સંલગ્ન કોલેજ કાર્યરત છે, તેના કુલપતિ ડો. નીરજા ગુપ્તાનો ત્રણ વર્ષનો કાર્યકાળ આજે પૂર્ણ થઈ રહ્યો છે. નવા કાયમી કુલપતિની પસંદગી માટે સર્ચ કમિટીની પ્રક્રિયા હજુ ચાલુ હોવાથી રાજ્ય સરકાર આગામી થોડા દિવસ માટે ઇન્ચાર્જ કુલપતિની નિમણૂક કરશે. ગાંધીનગરની સમર્પણ કોલેજના પ્રિન્સિપાલ ડો. આશિષ દવેનું નામ હાલમાં સૌથી આગળ હોવાનું ચર્ચાઈ રહ્યું છે, જોકે ડો. નીરજા ગુપ્તાને પણ નવા કુલપતિની નિમણૂક સુધી યથાવત્ રાખવાનો વિકલ્પ સરકાર પાસે ખુલ્લો છે.