ઓપરેશન કલીન ચંડોળા' પાર્ટ-2: માત્ર બે કલાકમાં ૨૦૦૦ ઘર તોડાયાં

વહેલી સવારથી પોલીસ બંદોબસ્ત સાથે મેગા ડિમોલિશનનો પ્રારંભ છોટા તળાવની ૨.૫૦ લાખ સ્ક્વેર મીટર જગ્યા ખાલી કરાઈ

- 

‘મિની બાંગ્લાદેશ’ તરીકે ઓળખાતું ચંડોળા તળાવ આજે સંપૂર્ણ રીતે સાફ થઇ જશે, કારણ કે વહેલી સવારથી અમદાવાદ મ્યુનિસિપલ કોર્પોરેશન અને પોલીસે સંયુક્ત રીતે ‘ઓપરેશન ક્લીન ચંડોળા' પાર્ટ-2 શરૂ કર્યું છે. બીજા ફેઝમાં ચાલી રહેલા મેગા ડિમોલિશનમાં આ લખાઈ રહ્યું છે ત્યાં સુધીમાં બે હજારથી વધુ ગેરકાયદે મકાનો પર બુલડોઝર ફેરવી દેવાયું છે. એપ્રિલ મહિનાના છેલ્લા સપ્તાહમાં પહેલા ફેઝનું ડિમોલિશન હાથ ધરાયું હતું, જે બે દિવસ સુધી ચાલ્યું હતું. આજે સવારે બીજા ફેઝનું ડિમોલિશન હાથ ધરાયું છે, જેમાં સમગ્ર ચંડોળા તળાવને પોલીસ છાવણીમાં ફે૨વી દેવાયું છે.