ഫീച്ചറുകൾ നിറച്ച് 3 ആപ്പിൾ വാച്ച് മോഡലുകൾ അവതരിപ്പിച്ചു

ലൈവ് ട്രാൻസ്ലേഷൻ ഫീച്ചറുമായി ഞെട്ടിച്ച് എയർപോഡ് പ്രൊ 3

- 

തകർപ്പൻ ഫീച്ചറുകളുമായി ആപ്പിളിന്റെ പുതിയ എയർപോഡ് പ്രൊ 3 ഇയർ ബഡ്സും മൂന്ന് ആപ്പിൾ വാച്ച് മോഡലുകളും ലോഞ്ച് ചെയ്തു. ലൈവ് ട്രാൻസ്ലേഷൻ ഉൾപ്പെടെ ഞെട്ടിക്കുന്ന ഫീച്ചറുകളുമായി എത്തിയ എയർ പോഡ് പ്രൊ 3യുടെ വില 249 ഡോളറാണ് (ഏകദേശം 21,967 രൂപ). 5ജി കണക്ടിവിറ്റി, വേഗത്തിലുള്ള ചാർജിങ്, ഹെൽത്ത് ട്രാക്കറുകൾ തുടങ്ങിയ ഫീച്ചറുകളാൽ സമ്പന്നമാണ് വാച്ചുകൾ.

ആപ്പിൾ വാച്ച് സീരീസ് 11, ആപ്പിൾ വാച്ച് എസ് ഇ 3, ആപ്പിൾ വാച്ച് അൾട്രാ 3 എന്നിങ്ങനെ മൂന്ന് വാച്ച് മോഡലുകളാണ് പുറത്തിറക്കിയത്. സീരീസ് 11ന് 399 ഡോളർ (ഏകദേശം 35,201 രൂപ), എസ്ഇക്ക് 249 ഡോളർ (ഏകദേശം 21,966 രൂ പ), അൾട്രാ 3ക്ക് 799 ഡോളർ (ഏകദേശം 70,487 രൂപ) എന്നിങ്ങനെയാണ് വില.

എയർപോഡ് പ്രൊ 3

4 ടൈംസ് ആക്ടിവ് നോയിസ് കാൻസലേഷനുമായാണ് എയർ പോഡ് പ്രൊ 3 ഇയർ ബഡ്സ് എത്തുന്നത്. ആപ്പിൾ ഇന്റലിജൻസ് ഉപയോഗിച്ച് ലൈവ് ട്രാൻസ്ലേഷൻ സാധ്യമാണന്നത് പ്രധാന ഫീച്ചറാണ്. അറിയാത്ത ഭാഷകളിലുള്ള ആശയവിനിമയം ഇത് എളുപ്പമാക്കും. ഉപയോക്താവ് സംസാരിക്കുന്ന കാര്യങ്ങൾ മറ്റൊരു ഭാഷയിലെ സ്ക്രിപ്റ്റായി ട്രാൻസ്ലേറ്റ് ചെയ്ത് ഐഫോണിൽ കാണിക്കാനും സാധിക്കും.