ஒரே நேரத்தில் டித்வா, சென்யார் தாக்கம் ஏன்?

டித்வா புயல், இலங்கையில் சமீபத்திய ஆண்டுகளில் பேரழிவை ஏற்படுத்திய மோசமான வானிலை நிகழ்வுகளில் ஒன்று. கனமழையால் ஏற்பட்ட வெள்ளம் மற்றும் நிலச்சரிவுகளில் நூற்றுக்கும் மேற்பட்டோர் உயிரிழந்துள்ளனர். தமிழ்நாட்டிலும் டித்வா புயல் எதிரொலியாக பல மாவட்டங்களில் கனமழை பெய்தது. கிட்டத்தட்ட இதே காலகட்டத்தில், மலாக்கா நீரிணையில் உருவான சென்யார் புயல் கிழக்கு நோக்கி நகர்ந்து இந்தோனேசியாவில் பெரும் சேதத்தை ஏற்படுத்தியது. இந்திய பெருங்கடலில் புயல்கள் மற்றும் அவற்றின் தீவிரத்தன்மை அதிகரித்து வருவதை இது உணர்த்துவதாக நிபுணர்கள் கூறுகின்றனர்.

- 

நிபுணர்களின் கூற்றுப்படி, புவி வெப்பமயமாதலின் விளைவாகக் கடலின் மேற்பரப்பு வெப்பநிலை அதிகரிப்பதும், வளிமண்டல ஈரப்பதம் அதிகரிப்பதும், வங்கக் கடலில் புயல்கள் அதிகரிக்கக் காரணமாக இருக்கின்றன. ஆனால், அடுத்தடுத்து புயல்கள் உருவானது ஒரு தற்செயல் நிகழ்வு என்று இந்திய வானிலை ஆய்வு மைய இயக்குநர் ஜெனரல் கூறியுள்ளார். ஒரே காலகட்டத்தில் உருவான இரண்டு புயல்கள்' இந்த வாரம், வடக்கு இந்திய பெருங்கடலின் அந்தமான் பகுதியை ஒட்டியுள்ள மலாக்கா நீரிணையில் சென்யார் மற்றும் வங்கக்கடலில் இலங்கையின் தெற்கே டித்வா என இரண்டு புயல்கள் கிட்டத்தட்ட ஒரே காலகட்டத்தில் உருவாயின.