‘પનોતી’ અને ‘ખિસ્સાકાત’ ટીપ્પણી કરવા બદલ રાહુલ ગાંધી સામે ભાજપની ચૂંટણીપંચમાં ફરિયાદ

ઓબીસીમાં મોદી જ્ઞાતિના સમાવેશ મુદ્દે ટિપ્પણી કરનાર મલ્લિકાર્જુન ખડગે સામે પણ કાર્યવાહીની માગ માત્ર નોટિસ જારી કરવાની જગ્યાએ આકરાં પગલાં લેવાની રજૂઆત ભાજપે કોંગ્રેસ નેતાને ‘ ઘટિયા’ માનસિકતાના સંવેદનહીન, અશિક્ષિત અને મૂલ્યહીન વ્યક્તિ ગણાવ્યા

- 

વડાપ્રધાન નરેન્દ્ર મોદીને પનોતી અને ખિસ્સાકાતરુ ગણાવવા બદલ કોંગ્રેસ નેતા રાહુલ ગાંધી સામે ભાજપે બુધવારે ચૂંટણીપંચ સમક્ષ ફરિયાદ કરી હતી અને આકરા પગલાં લેવાની માગણી કરી હતી. મહામંત્રી રાધા મોહન દાસ અગ્રવાલ અને અન્ય નેતા ઓમ પાઠક સહિત પાર્ટીના એક પ્રતિનિમંડળે ખોટા દાવો કરવા બદલ કોંગ્રેસ અધ્યક્ષ મલ્લિકાર્જુન ખડગે સામે પણ કાર્યવાહી કરવાની પણ માગણી કરી હતી.

ખડગેએ અગાઉ દાવો કર્યો હતો કે મોદી ગુજરાતના મુખ્યપ્રધાન હતા ત્યારે તેમની જ્ઞાતિનો ઓબીસીમાં સમાવેશ કરાયો હતો. ભાજપે જણાવ્યું હતું કે ઘાંચી જાતિને 1999માં OBC યાદીમાં સામેલ કરાઈ હતી, જ્યારે મોદી તો 2001 માં મુખ્યપ્રધાન બન્યા હતા.