વાઇબ્રન્ટ રાજકોટમાં 7150 કરોડના MOU, 20,000 રોજગારીનો દાવો

રોકાણ: રાઘવજી પટેલ દ્વારા સમિટનો પ્રારંભ કરાવાયો,વાઈબ્રન્ટ એ બ્રાન્ડિંગ નહીં બોન્ડિંગ છે, તે વધુ મજબૂત થાય તે માટે જિલ્લા સ્તરે સમિટ યોજાઈઃ ભાનુબહેન બાબરિયા

- 

વાઈબ્રન્ટ ડિસ્ટ્રિક્ટ કાર્યક્રમ અંતર્ગત રાજકોટમાં બે દિવસીય વાઈબ્રન્ટ રાજકોટ સમિટનો પ્રારંભ થયો છે. જેમાં પ્રથમ દિવસે આશરે ૭૧૫૦ કરોડની રકમના ૧૮૫થી વધુ એમઓયુ થયા હતા. જ્યારે ૨૦ હજારથી વધુને રોજગારીનો દાવો કરાયો હતો.

વાઈબ્રન્ટ ગુજરાત-વાઈબ્રન્ટ રાજકોટ કાર્યક્રમના આરંભ પૂર્વે જ રૂપિયા ૪૭૦૯ કરોડથી વધુની રકમના ૧૮૫ જેટલા સમજૂતિ કરાર (મેમોરેન્ડમ ઓફ અન્ડરસ્ટેન્ડિંગ-એમ.ઓ.યુ.)ક૨વામાં આવ્યા છે, જેના પરિણામે આગામી દિવસોમાં ઔદ્યોગિક વિકાસ સાથે ૨૦ હજારથી વધુ લોકોને રોજગારી મળશે, તેમ રાજ્યના કૃષિ અને પશુપાલન મંત્રી રાઘવજીભાઈ પટેલે આજે શાપર વેરાવળ ખાતે સમિટનો પ્રારંભ કરાવતા જણાવ્યું હતું. મહત્વનું છે કે, વાઈબ્રન્ટ રાજકોટ સમિટ પૂર્વે જ રૂ.૪૭૦૯ કરોડના એમ.ઓ.યુ. થઈ ગયા હતા. દિવસના અંતે કુલ મળીને ૭૧૫૦ કરોડથી વધુ રકમના એમ.ઓ.યુ. થયા હતા.