બોડકદેવમાં ઘરઘાટીએ બહેનના લગ્નના ખર્ચ માટે 23.57 લાખની ચોરી કરી હતી

પોલીસે આરોપીને બિહારથી ઝડપી લઈ 14 લાખનો મુદ્દામાલ રિકવર કર્યો

- 

બોડકદેવમાં આવેલા મારૂતિ ઝિનોબિયામાં રહેતા ફેક્ટરીમાલિકના ઘરે થોડા દિવસ પહેલા 23.57 લાખની ચોરી થઇ હતી. જે કેસમાં પોલીસે તપાસ કરતા ચોરી કરનાર અન્ય કોઇ નહિ પણ બે વર્ષથી કામ કરતો ઘરઘાટી જ હતો. જેથી પોલીસે બિહાર ભાગી ગયેલા ઘરઘાટીને તેના જ વતનમાંથી ઝડપી લઈ 14 લાખનો મુદ્દામાલ કબજે કર્યો છે. પોલીસે પૂછપરછ કરતા આરોપીએ તેની બહેનના આગામી માર્ચ માસમાં લગ્ન હોવાથી ખર્ચને પહોંચી વળવા માટે ચોરી કરી હોવાની કેફિયત આપી હતી.