ચેરિટીના બહાને ધર્માંતરણ ન થવું જોઈએ: સપ્રીમ કોર્ટ

ધર્માંતરણ માટે લાલચ આપવી એ ખતરનાક બાબત છે

- 

ચેરિટીના બહાને ધર્માંતરણ ન થવું જોઈએ તેમ કહીને સુપ્રીમ કોર્ટે સોમવારે ભારપૂર્વક કહ્યું હતું કે બળજબરીથી ધર્માંતરણ એ ગંભીર મુદ્દો છે અને બંધારણની વિરુદ્ધ છે. ધર્માંતરણ માટે લાલચ આપવી એ ખતરનાક બાબત છે. કોર્ટ એડવોકેટ અશ્વિની કુમાર ઉપાધ્યાય દ્વારા દાખલ કરવામાં આવેલી અરજી પર સુનાવણી કરી રહી હતી. તેમણે કેન્દ્ર અને રાજ્યોને “ધાકધમકી, કપટપૂર્ણ ભેટ આપવી અને નાણાકીય લાભ દ્વારા પ્રલોભન” આપીને દગો કરીને થતા ધર્માંતરણ પર અંકુશ માટે કડક પગલાં લેવા કોર્ટ આદેશ કરે તેવી માગણી કરી હતી. સુપ્રીમ કોર્ટ હવે આ મામલે 12 ડિસેમ્બરે સુનાવણી કરશે.