மதுக்கரை வட்டத்தில் ஆட்சியர் களஆய்வு

கோயம்புத்தூர் மாவட்டம் உங்களை தேடி உங்கள் ஊரில் திட்டம் மதுக்கரை வட்டத்திற்குட்பட்ட பல்வேறு பகுதிகளில் களஆய்வுகளை மேற்கொண்டு, பொதுமக்களிடம் கோரிக்கை மனுக்களை மாவட்ட ஆட்சித்தலைவர் பவன்குமார் க. கிரியப்பனவர் பெற்றுக்கொண்டார்.

- 

கோயம்புத்தூர் மாவட்டம், மதுக்கரை நகராட்சி அலுவலகத்தில் உங்களை தேடி உங்கள் ஊரில் திட்டத்தினை மாவட்ட ஆட்சித்தலைவர் பவன்குமார் க. கிரியப்பனவர் தொடங்கி வைத்து, பல்வேறு பகுதிகளில் களஆய்வுகளை மேற்கொண்டு, அப்பகுதி பொதுமக்களிடமிருந்து கோரிக்கை மனுக்களை பெற்றுக்கொண்டு சம்மந்தப்பட்ட அலுவலர்களிடம் வழங்கி கோரிக்கை மனுக்கள் மீது விரைந்து நடவடிக்கை எடுக்குமாறு உத்தரவிட்டார். இந்த ஆய்வின்போது, மாநகராட்சி ஆணையாளர் சிவகுருபிரபாகரன், கூடுதல் ஆட்சியர் (வளர்ச்சி) சங்கேத் பல்வந்த் வாகே, வருவாய் கோட்டாட்சியர் (தெற்கு) திரு.ராம்குமார், தனித்துணை ஆட்சியர் சமூக பாதுகாப்பு திட்டம்(பொ) சங்கீதா, மதுக்கரை நகர்மன்ற தலைவர் நூர்ஜஹான் நாசர், நகராட்சி ஆணையாளர் சத்யா, நகர்மன்ற துணைத் தலைவர் ரமேஷ்குமார், நகர்மன்ற உறுப்பினர் ராம்ஜி, நகராட்சி பொறியாளர் ஜான்பிரபு, வட்டாட்சியர் வேல்முருகன் மற்றும் அரசு உயர் அலுவலர்கள் பலர் கலந்துகொண்டனர்.