ട്രംപിന്റെ ഭീഷണിക്കെതിരെ ആർഐസി കൂട്ടായ്മ

മറ്റൊരു ശാക്തിക ചേരിക്ക് സാധ്യത

- 

ന്യൂഡൽഹി: റഷ്യയിൽ നിന്ന് എണ്ണ വാങ്ങുന്നതിന്റെ പേരിൽ ഇന്ത്യയ്ക്കു മേൽ യുഎസ് പ്രസിഡന്റ് ഡോണൾഡ് ട്രംപ് അടിച്ചേൽപിച്ച അധിക തീരുവ നിലവിൽ വരാനിരിക്കെ, യുഎസിനെതിരെ മറ്റൊരു ശാക്തിക ചേരി രൂപപ്പെടാനുള്ള സാധ്യത ചർച്ച ചെയ്ത് ലോകം.

യുഎസിന്റെ ഭീഷണി മറികടക്കാൻ റഷ്യഇന്ത്യചൈന (ആർഐസി) കൂട്ടായ് മയുണ്ടാകുമോ എന്നാണ് ചർച്ചകൾ. ഈ വർഷം അവസാനം റഷ്യൻ പ്രസിഡന്റ് വ്ലാഡിമിർ പുട്ടിന്റെ ഇന്ത്യാ സന്ദർശനവും ഓഗസ്റ്റ് അവസാനം പ്രധാനമന്ത്രി നരേന്ദ്ര മോദി ഷാങ്ഹായ് ഉച്ചകോടിയിൽ പങ്കെടുക്കുന്നതും നടക്കാനിരിക്കെയാണ് ഇങ്ങനെയൊരു ചർച്ച.