'Outeniqua-wonder' laat rekords spat

Toe Jaden Fourie Saterdagoggend vir sy tweede poging in die seuns o. 16verspring aantree by die Kwagga Top 10-atletiekbyeenkoms in Oudtshoorn kon mens op die hoofpawiljoen 'n speld hoor val.

- Hugo Redelinghuys

Die afwagting het soos 'n swanger stilte in die warm oggendlig gehang.

Jaden Fourie het sy hande ritmies begin saamslaan. Spoedig het die toeskouers ingeval - klap vir klap - om hom tot iets buitengewoons aan te spoor. Dié nederige atleet van Hoërskool Outeniqua het weereens nie teleurgestel nie.

Toe hy deur die lug trek, het dié fotograaf gedink die sandput is te kort en dat hy op die sementstrook tussen die baanbeamptes gaan beland.