Oom Max Baise se fluitjie stil

Met die skielike heengaan van die legendariese fluitjieblaser, Max Baise (93), het nie net 'n dorp nie, maar die hele land een van sy grootste ikone verloor.

- Clive Pretorius en Emsie Martin

Oom Max soos die befaamde sakeman en voormalige Springbok-skeidsregter alombekend staan, het Saterdagmiddag, 11 Oktober, sy laaste fluitjie geblaas.

Hy was al sedert sy skooldae baie lief vir rugby en het hy ook dan vele kere Vrystaat-skolespanne verteenwoordig. Sy belangstelling om as die man in die middel te wees, was egter bloot toevallig toe hy in 'n kroeg verneem het van die Skeidsregtersvereniging en het hy dadelik besluit om aan te sluit.

Oom Max het vertel hoe hy vyf sjielings vir 'n skeidsregterskursus betaal het. Hy het in 1956 sy sertifikaat van die destydse Rugbyskeidsregtersvereniging van die OVS ontvang en kon hy amptelik die fluitjie blaas.

Sover bekend het oom Max se internasionale loopbaan as Suid-Afrika se beste skeidsregter gestrek van 1963 tot 1976, 'n hele 13 jaar.