Lewayne Fortuin is Tuinroete se Agriwerker van die Jaar

Lewayne Fortuin, 'n toegewyde agriwerker van die plaas Kykbo in die Glentana-omgewing, is as Agriwerker van die Jaar in die Tuinroete aangewys. Dit is die derde keer wat hy aan die kompetisie deelneem.

- Alida de Beer

"Dit was 'n droom wat ek wou bereik het, maar ek het dit regtig nie verwag nie. Ek het gedink so iets is net vir die slimmer ouens."

Fortuin het ook die prys gekry vir die beste inskrywing in die afdeling Diereproduksie tydens die Tuinroete-streekgala van die jaarlikse Wes-Kaapse Prestige Agri-toekennings. Die geleentheid het op Vrydag 8 Augustus by die Oppie Plaas-venue in Waboomskraal plaasgevind.