ராஜபாளையம் அரசு மருத்துவமனை கட்டுமானப் பணி 90 சதவீதம் நிறைவு

அமைச்சர் மா.சுப்பிரமணியன்

- 

விருதுநகர், ஜூலை 17: விருதுநகர் மாவட்டம், ராஜபாளையத்தில் நடைபெறும் மாவட்டத் தலைமை அரசு மருத்துவமனை கட்டடம் கட்டும் பணி 90 சதவீதம் நிறைவடைந்ததாக தமிழக மருத்துவம், மக்கள் நல்வாழ்வுத் துறை அமைச்சர் மா. சுப்பிரமணியன் தெரிவித்தார்.

விருதுநகர் ஊராட்சி ஒன்றியம், கன்னிசேரி புதூர் அரசு ஆரம்ப சுகாதார நிலைய வளாகத்தில் மருத்துவம், மக்கள் நல்வாழ்வுத் துறை சார்பில் மாவட்டத்தின் பல்வேறு பகுதிகளில் ரூ.5.95 கோடியில் அமைக்கப்பட்ட துணை சுகாதார நிலைய புதிய மையங்கள், வட்டார சுகாதார அலகு, அரசு ஆரம்ப சுகாதார நிலைய கூடுதல் கட்டடம் என மொத்தம் 14 புதிய மருத்துவ கட்டடங்களின் திறப்பு விழா வியாழக்கிழமை நடைபெற்றது.

வருவாய், பேரிடர் மேலாண்மைத் துறை அமைச்சர் கே.கே.எஸ்.எஸ்.ஆர். ராமச்சந்திரன், நிதி, சுற்றுச்சூழல், காலநிலை மாற்றத் துறை அமைச்சர் தங்கம் தென்னரசு, மருத்துவம், மக்கள் நல்வாழ்வுத் துறை அமைச்சர் மா.சுப்பிரமணியன் ஆகியோர் புதிய கட்டடங்களை மக்கள் பயன்பாட்டுக்குத் திறந்து வைத்தனர்.