தமிழகத்தில் கரோனா தொற்று அதிகரிப்பு: மரபணு பகுப்பாய்வுக்கு வலியுறுத்தல்

தமிழகத்தில் அண்மைக்காலமாக கரோனா தொற்று அதிகரித்து வரும் சூழலில், சமூகத்தில் புதிய பாதிப்பு பரவுகிறதா என்பதை அறிவதற்கான மரபணு பரிசோதனைகளை மேற்கொள்ள வேண்டும் என்று சுகாதார ஆர்வலர்கள் கோரிக்கை விடுத்தனர்.

- 

சென்னை, ஜூன் 1:

இதன்படி, நோய்ப் பரவல் அதிகமுள்ள இடங்களில் சளி மாதிரிகள் சேகரிக்கப்பட்டு அவை மரபணு பகுப்பாய்வுக்கு உட்படுத்த வேண்டும் என்றும் அவர்கள் வலியுறுத்தியுள்ளனர்.

கடந்த ஒன்றரை ஆண்டுகளுக்கும் மேல் கரோனா தொற்றின் தாக்கம் முழுமையாக கட்டுப்பாட்டுக்குள் இருந்து வந்தது. நாள்தோறும் பதிவாகும் புதிய பாதிப்பின் எண்ணிக்கை பூஜ்ஜிய நிலையிலோ அல்லது ஒற்றை இலக்கத்திலோ இருந்தது.