சத்துணவு சமையல் உதவியாளர் பணி நியமனத்தை வெளிப்படைத்தன்மையுடன் மேற்கொள்ள வலியுறுத்தல்

சத்துணவு சமையல் உதவியாளர் பணி நியமனத்தை வெளிப்படைத்தன்மையுடன் மேற்கொள்ள வேண்டுமென தமிழ்நாடு சத்துணவு ஊழியர் சங்கம் தமிழக அரசை வலியுறுத்தியது.

- 

சிவகங்கை, ஏப். 26:

சிவகங்கையில் அரசு ஊழியர் சங்க அலுவலக அரங்கில் சத்துணவு ஊழியர் சங்க மாவட்டத் தலைவர் அ. பாண்டி தலைமையில் சனிக்கிழமை அந்தச் சங்கத்தின் 16-ஆவது சிவகங்கை மாவட்ட மாநாடு நடைபெற்றது.

இதில் நிறைவேற்றப்பட்ட தீர்மானங்கள் வருமாறு:

தமிழ்நாட்டில் சத்துணவுத் திட்டத்தில் பணிபுரிந்து பணி ஓய்வு பெற்றவர்களுக்கு, குடும்ப ஓய்வூதியமாக ரூ.9,000 வழங்க வேண்டும். தமிழகம் முழுவதும் சத்துணவுத் திட்டத்தில் உள்ள காலிப் பணியிடங்களை நிரப்ப வேண்டும். அண்மையில் அறிவிக்கப்பட்ட சமையல் உதவியாளர் பணியிட நியமனத்தை, நியாயமான முறையிலும், வெளிப்படைத்தன்மையோடும் நிரப்ப வேண்டும்.