ஐபிஎஸ் அதிகாரி ஆசிஷ் ராவத் மீது வழக்கு: விசாரணை நீதிமன்ற உத்தரவுக்கு இடைக்காலத் தடை

ஐபிஎஸ் அதிகாரி ஆசிஷ் ராவத் மீது வழக்குப் பதிய விசாரணை நீதிமன்றம் பிறப்பித்த உத்தரவுக்கு இடைக்காலத் தடை விதித்து, சென்னை உயர்நீதிமன்ற மதுரை அமர்வு செவ்வாய்க்கிழமை உத்தரவிட்டது.

- 

தஞ்சாவூரைச் சேர்ந்த கார்த்திகேயன், அந்த மாவட்ட நீதிமன்றத்தில் தாக்கல் செய்த மனு:

கடந்த 2023-ஆம் ஆண்டு முதல் 2025 வரை தஞ்சாவூர் மாவட்ட காவல் கண்காணிப்பாளராக ஆசிஷ் ராவத் பணியாற்றினார். அப்போது, காவலர் குடியிருப்பில் உள்ள தேக்கு மரங்களை வெட்டி சொந்தப் பயன்பாட்டுக்கு பயன்படுத்தினார். மேலும், காவலர்கள் நலச் சங்கத்தின் பொது நிதியைக் கையாடல் செய்தார். காவலர்களின் குடியிருப்புக் கட்டடங்களை கட்ட முறையான ஒப்பந்தப்புள்ளி கோரப்படவில்லை. இதேபோல, பல்வேறு முறைகேடுகளில் அவர் ஈடுபட்டார்.

இதுகுறித்து ஊழல் தடுப்பு, கண்காணிப்புப் பிரிவு போலீஸார் விசாரணை நடத்தி நடவடிக்கை எடுக்கக் கோரி மனு அளித்தேன். எந்தவித நடவடிக்கையும் எடுக்கப்படவில்லை. எனவே, ஐபிஎஸ் அதிகாரி ஆசிஷ் ராவத் மீது ஊழல் தடுப்பு, கண்காணிப்புப் பிரிவு போலீஸார் வழக்குப் பதிந்து விசாரணை நடத்த உத்தரவிட வேண்டும் என அவர் கோரினார்.

இந்த மனுவை விசாரித்த தஞ்சாவூர் மாவட்ட நீதிமன்றம், காவல் கண்காணிப்பாளர் ஆசிஷ் ராவத் மீது வழக்குப் பதிந்து விசாரணை நடத்த உத்தரவு பிறப்பித்தது.