நடத்துநருக்கு வலது காலுக்கு பதிலாக இடது காலில் அறுவை சிகிச்சை

விழுப்புரம் அரசு மருத்துவமனையில் அலட்சியம்

- 

விழுப்புரம், ஜூலை 4: விழுப்புரம் அரசு மருத்துவமனையில் பேருந்து நடத்துநருக்கு வலது காலுக்கு பதிலாக இடது காலில் அறுவைச் சிகிச்சை செய்ததால் நோயாளி அவதிக்குள்ளாகியுள்ளார்.

விழுப்புரம் மாவட்டம், பெரியசூர் அருகிலுள்ள விநாயகபுரத்தைச் சேர்ந்த மாரிமுத்து (46). இவருக்கு மனைவி தங்கம்மாள், மகன் மற்றும் மகள் உள்ளனர். விழுப்புரத்திலிருந்து புதுச்சேரி வரை இயக்கப்படும் தனியார் பேருந்தின் நடத்துநராக மாரிமுத்து பணியாற்றி வந்தார்.