துணைவேந்தர்கள் நியமனம்: உயர்நீதிமன்ற உத்தரவு ரத்து

மீண்டும் விசாரிக்க உச்சநீதிமன்றம் உத்தரவு

- நமது நிருபர்

துணைவேந்தர்கள் நியமனம் தொடர்பாக தமிழக அரசால் கொண்டுவரப்பட்ட திருத்தச் சட்டங்களுக்கு இடைக்காலத் தடை விதித்து சென்னை உயர்நீதிமன்றம் பிறப்பித்த உத்தரவை உச்சநீதிமன்றம் புதன்கிழமை ரத்து செய்தது.

இந்த விவகாரம் தொடர்பான வழக்கை மீண்டும் ஆறு வாரங்களில் புதிதாக விசாரித்து முடிவெடுக்குமாறு உயர்நீதிமன்றத்தை உச்சநீதிமன்றம் கேட்டுக்கொண்டது.

இது தொடர்பான தமிழக அரசின் மேல்முறையீட்டு மனு உச்ச நீதிமன்றத்தில் தலைமை நீதிபதி சூர்யகாந்த் மற்றும் நீதிபதிகள் ஜயமால்ய பாக்சி, விபுல் எம். பஞ்சோலி ஆகியோர் அடங்கிய அமர்வில் புதன்கிழமை விசாரணைக்கு வந்தது.

அப்போது தமிழக அரசின் சார்பில் ஆஜரான மூத்த வழக்குரைஞர்கள் அபிஷேக் சிங்வி, பி. வில்சன் ஆகியோர், பல்கலைக்கழக துணைவேந்தர்களை நியமிக்கும் தமிழக அரசின் சட்டத் திருத்தத்துக்கு, சென்னை உயர்நீதிமன்ற விடுமுறைக் கால அமர்வு அவசர அவசரமாக, தமிழக அரசின் வாதங்களை முழுமையாகக் கேட்காமலேயே இடைக்காலத் தடை விதித்தது.