ரூ.17,000 கோடி கடன் மோசடி வழக்கு: அமலாக்கத் துறை விசாரணைக்கு அனில் அம்பானி ஆஜர்

ரூ.17,000 கோடி வங்கிக் கடன் மோசடி, பண முறைகேடு வழக்கில், ரிலையன்ஸ் குழும தலைவர் அனில் அம்பானி அமலாக்கத் துறை முன் விசாரணைக்கு செவ்வாய்க்கிழமை ஆஜரானார்.

- 

புது தில்லி, ஆக. 5:

அனில் அம்பானிக்குச் சொந்தமான 'ரிலையன்ஸ் இன்ஃப்ரா' உள்ளிட்ட பல்வேறு நிறுவனங்கள் மூலம் ரூ.17,000 கோடிக்கும் அதிகமான கடன் முறைகேடுகள் நடைபெற்றதாக குற்றச்சாட்டு எழுந்தது. 2017-2019-ஆண்டுகளுக்கு இடையே 'யெஸ்' வங்கியிடம் இருந்து ரூ.3,000 கோடி கடன் பெற்று, அதனை சட்டவிரோதமாக வேறு நிறுவனங்களுக்குப் பரிமாற்றியதாகக் கூறப்படுகிறது.

இதேபோல், ரிலையன்ஸ் இன்ஃப்ரா நிறுவனத்தில் இருந்து குழுமத்தின் வேறு சில நிறுவனங்களுக்கு ரூ.6,500 கோடி நிதி மாற்றப்பட்டதாகவும் குற்றச்சாட்டு உள்ளது.