ஒடிஸாவில் முழு அடைப்பு: இயல்பு வாழ்க்கை பாதிப்பு

ஒடிசாவில் பாலியல் துன்புறுத்தலால் கல்லூரி வளாகத்துக்குள் தீக்குளித்து தற்கொலை செய்துகொண்ட மாணவிக்கு நீதி கேட்டு, ஒடிசாவில் எதிர்க்கட்சிகள் சார்பில் வியாழக்கிழமை முழு அடைப்புப் போராட்டம் நடைபெற்றது.

- 

புவனேசுவரம், ஜூலை 17:

மாநிலம் முழுவதும் பெரும்பாலான கடைகள், வணிக நிறுவனங்கள், பெட்ரோல் நிலையங்கள், பள்ளிகள் மூடப்பட்டன. வாகனங்கள் ஓடாததால், புவனேசுவரம், கட்டக் உள்ளிட்ட நகரங்களில் சாலைகள் வெறிச்சோடின. மக்களின் இயல்பு வாழ்க்கை பாதிக்கப்பட்டது.

ஒடிசாவின் பாலாசோர் மாவட்டத்தில் தன்னாட்சிக் கல்லூரி ஒன்றில் பயின்றுவந்த மாணவியை உதவிப் பேராசிரியர் சமீரா குமார் சாஹு என்பவர், தொடர்ந்து பாலியல் துன்புறுத்தலுக்கு உள்ளாக்கியதாகக் கூறப்படுகிறது.