போட்டித் தேர்வுகளுக்கு பயிற்சியுடன் கூடிய அறிவுசார் மையம்

குடியாத்தம் மற்றும் சுற்றுப்புற கிராம மாணவர்களின் கல்விக்கனவை நனவாக்கும் வகையில் போட்டித் தேர்வுகளுக்கு பயிற்சியுடன் கூடிய வகையில் கலைஞர் நகர்ப்புற மேம்பாட்டுத் திட்டத்தின் கீழ் ரூ.2.19 கோடியில் நவீன கட்டமைப்புகளுடன் நூலகம் மற்றும் அறிவுசார் மையம் திறக்கப்பட்டுள்ளது.

- கே.நடராஜன்

குடியாத்தம், ஜூன் 15: குடியாத்தம் மற்றும் சுற்றுப்புற கிராம மாணவர்களின் கல்விக்கனவை நனவாக்கம் வகையில் போட்டித் தேர்வுகளுக்கு பயிற்சியுடன் கூடிய வகையில் கலைஞர் நகர்ப்புற மேம்பாட்டுத் திட்டத்தின் கீழ் ரூ.2.19 கோடியில் நவீன கட்டமைப்புகளுடன் நூலகம் மற்றும் அறிவுசார் மையம் திறக்கப்பட்டுள்ளது.

குடியாத்தம் புதிய பேருந்து நிலையம் எதிரே உள்ள, நகராட்சி மேல்நிலைப் பள்ளி வளாகத்தில் அமைக்கப்பட்டுள்ள இந்த நூலகம் மற்றும் அறிவுசார் மையத்தை கடந்த மே மாதம் 29-ஆம் தேதி முதல்வர் மு.க.ஸ்டாலின் காணொலி மூலம் திறந்து வைத்தார். இந்த நூலகம் நகராட்சியால் நிர்வாகிக்கப்படுகிறது.