டிரம்ப்பின் குடியேற்றக் கொள்கைக்கு எதிர்ப்பு அமெரிக்கா முழுவதும் பரவும் போராட்டம்

அமெரிக்க அதிபர் டொனால்ட் டிரம்பின் கடுமையான குடியேற்ற கொள்கைகளுக்கு எதிர்ப்பு தெரிவித்து லாஸ் ஏஞ்சலீஸ் நகரில் நடைபெற்று வரும் போராட்டம் நாடு முழுவதும் வேகமாகப் பரவி வருகிறது.

- 

லாஸ் ஏஞ்சலீஸ், ஜூன் 12:

இது குறித்து அசோசியேட்டட் பிரஸ் செய்தி நிறுவனம் கூறியதாவது: பல்வேறு வெளிநாடுகளில் இருந்து அமெரிக்காவுக்கு வந்து, உரிய ஆவணங்கள் இல்லாமல் வசிப்பவர்களை டிரம்ப் தலைமையில் தற்போது அமைந்துள்ள அரசு வலுக்கட்டாயமாக வெளியேற்றி வருகிறது.

இது சட்டவிரோத நடவடிக்கை என்று கூறி, கலிஃபோர்னியா மாகாணம் லாஸ் ஏஞ்சலீஸ் நகரில் கடந்த 6-ஆம் தேதி முதல் போராட்டம் நடைபெற்று வருகிறது. இதில் போலீஸாருக்கும் போராட்டக்காரர்களுக்கும் இடையே மோதல் ஏற்பட்டது. ஏராளமானவர்கள் கைது செய்யப்பட்டனர்.

இருந்தாலும் போராட்டம் தொடர்ந்து தீவிரமடைந்ததைத் தொடர்ந்து, அதைக் கட்டுப்படுத்துவதற்காக தேசிய காவல்படையை லாஸ் ஏஞ்சலீஸுக்கு அதிபர் டிரம்ப் அனுப்பினார்.