உணவு தேடிச் சென்ற மேலும் 32 பாலஸ்தீனர்கள் சுட்டுக் கொலை

காஸாவின் தெற்கு பகுதியில் உள்ள இரண்டு நிவாரண விநியோக மையங்களில் உணவு பெறச் சென்ற பாலஸ்தீனர்கள் மீது இஸ்ரேல் படைகள் சனிக்கிழமை காலை துப்பாக்கிச்சூடு நடத்தியதில் 32 பேர் உயிரிழந்தனர்; 100-க்கும் மேற்பட்டோர் காயமடைந்தனர்.

- 

டேய்ர் அல்-பாலா, ஜூலை 19:

கான் யூனிஸ் நகருக்கு கிழக்கே உள்ள ஜிஹெச்எஃப் நிவாரண மையத்துக்கு சுமார் 3 கி.மீ. தொலைவில் உள்ள டீனா பகுதியில் இந்தத் தாக்குதல் நடத்தப்பட்டது என இஸ்ரேலிய செய்தி நிறுவனமான ஹாரெட்ஸ் தெரிவித்தது.

துப்பாக்கிச்சூட்டால் ஏற்பட்டதாக காஸா சிவில் பாதுகாப்பு அமைப்பின் செய்தித் தொடர்பாளர் மஹ்மூத் பஸ்ஸல் கூறினார்.

துப்பாக்கிச்சூட்டில் உயிரிழந்த 25 பேரது உடல்கள் கான் யூனிஸில் உள்ள நாஸர் மருத்துவமனைக்கு கொண்டு வரப்பட்டதாக அந்த மருத்துவமனை அதிகாரிகள் கூறினர். இது தவிர, தாக்குதலில் காயமடைந்த ஏராளமானவர்கள் சிகிச்சைக்காக அங்கு கொண்டு வரப்பட்டனர்.

இது மட்டுமின்றி, ராஃபாவின் வடமேற்கே உள்ள மற்றோர் உணவுப் பொருள் விநியோக மையத்துக்கு அருகில் 9 பேர் கொல்லப்பட்டனர்.