சத்தீஸ்கர் முன்னாள் முதல்வர் மகன் கைது

ரூ.2,100 கோடி மதுபான ஊழல்

- 

ராய்பூர், ஜூலை 18: சத்தீஸ்கரில் ரூ.2,100 கோடிக்கும் அதிகமாக மதுபான விற்பனையில் ஊழல் நிகழ்ந்ததாகக் கூறப்படும் குற்றச்சாட்டில், மாநில முன்னாள் முதல்வர் பூபேஷ் பகேலின் மகன் சைதன்யா பகேலை அமலாக்கத் துறையினர் வெள்ளிக்கிழமை கைது செய்தது.

கடந்த 2019 முதல் 2022-ஆம் ஆண்டு வரை, காங்கிரஸ் சார்பில் சத்தீஸ்கரில் முதல்வராக இருந்த பூபேஷ் பகேலின் ஆட்சியில், மதுபான விற்பனையில் ஊழல் நடைபெற்றதாக அமலாக்கத் துறை குற்றஞ்சாட்டியது. இதனால் அரசுக் கருவூலத்துக்கு பெரும் இழப்பு ஏற்பட்டதாகவும், இந்த ஊழல் மூலம் ரூ.2,100 கோடி சட்டவிரோதமாக ஈட்டப்பட்டதாகவும் அமலாக்கத் துறை தெரிவித்தது.