மக்கள் குறைதீர் கூட்டம்: ரூ.1.15 கோடியில் நலத் திட்ட உதவிகள்

திருவாரூர் மாவட்ட ஆட்சியர் அலுவலகத்தில் திங்கள்கிழமை நடைபெற்ற மக்கள் குறைதீர்க்கும் நாள் கூட்டத்தில், தாட்கோ மற்றும் ஆதிதிராவிடர்-பழங்குடியினர் நலத்துறை சார்பில் ரூ.1.15 கோடி மதிப்பிலான நலத் திட்ட உதவிகள் வழங்கப்பட்டன.

- 

திருவாரூர், ஜூன் 16:

மாவட்ட ஆட்சியர் வ. மோகனச்சந்திரன் தலைமையில் நடைபெற்ற இக்கூட்டத்தில் சட்டப்பேரவை உறுப்பினர் பூண்டி கே. கலைவாணன் பங்கேற்றார். கூட்டத்தில் பொதுமக்கள் பல்வேறு கோரிக்கைகள் தொடர்பாக, 320 மனுக்கள் அளித்தனர்.

இம்மனுக்களை பெற்றுக்கொண்ட ஆட்சியர், அவற்றை சம்பந்தப்பட்ட துறை அலுவலர்களிடம் வழங்கி, குறித்த காலத்துக்குள் நடவடிக்கை மேற்கொள்ளுமாறு உத்தரவிட்டார்.