தகராறுகளுக்கு தீர்வு காண ஊராட்சிகளுக்கு சட்ட அதிகாரம்

மத்தியஸ்தம் செய்ய ஊராட்சிகளுக்கு சட்ட ரீதியாக அதிகாரம் கிடைக்கும் வகையில், தகராறுகளுக்கு தீர்வு காணும் வழிமுறையை கிராமப்புற பகுதிகளுக்கு நீட்டிக்க வேண்டும் என்று குடியரசுத் தலைவர் திரௌபதி முர்மு தெரிவித்தார்.

- 

புது தில்லி, மே 3: மத்தியஸ்தம் செய்ய ஊராட்சிகளுக்கு சட்ட ரீதியாக அதிகாரம் கிடைக்கும் வகையில், தகராறுகளுக்கு தீர்வு காணும் வழிமுறையை கிராமப்புற பகுதிகளுக்கு நீட்டிக்க வேண்டும் என்று குடியரசுத் தலைவர் திரௌபதி முர்மு தெரிவித்தார்.

இதுதொடர்பாக தில்லியில் நடைபெற்ற தேசிய மத்தியஸ்த மாநாட்டில் அவர் சனிக்கிழமை பேசியதாவது: பல சிறிய பிரச்னைகளுக்கு முளையிலேயே தீர்வு காண முடியும். கிராமங்களில் ஏற்படும் பிரச்னைகளுக்கு அங்கேயே தீர்வு காண்பதற்கான வழிமுறையை உருவாக்குவதற்கு அவசியம் உள்ளது. இதன் மூலம் சூழலை சீர் குலைக்காமல் மக்கள் நல்லிணக்கத்துடன் வாழ வழிவகை செய்ய வேண்டும்.