முன்னாள் முதல்வர் கருணாநிதி பெயரில் கும்பகோணத்தில் பல்கலைக்கழகம்

முன்னாள் முதல்வர் கருணாநிதி பெயரில், கும்பகோணத்தில் பல்கலைக்கழகம் அமைக்கப்படும் என்று முதல்வர் மு.க.ஸ்டாலின் அறிவித்தார்.

- 

சென்னை, ஏப். 24:

சட்டப்பேரவையில் வியாழக்கிழமை கேள்வி நேரத்துக்குப் பிறகு, திமுக கூட்டணி கட்சிகளின் உறுப்பினர்கள் ஒட்டுமொத்த கவனஈர்ப்பு தீர்மானத்தை முன்வைத்துப் பேசியதாவது:

கு.செல்வப்பெருந்தகை (காங்கிரஸ்): ஆளுமைமிக்க தலைவராக விளங்கிய முன்னாள் முதல்வர் கருணாநிதி பெயரில் பல்கலைக்கழகம் அமைக்க வேண்டும்.

ஜி.கே.மணி (பாமக): பெரியார், முன்னாள் முதல்வர்கள் காமராஜர், எம்ஜிஆர், ஜெயலலிதா, முன்னாள் பிரதமர்கள் நேரு, இந்திரா காந்தி ஆகியோரின் பெயர்களில் பல்கலைக்கழகங்கள் உள்ளன. இதேபோன்று முன்னாள் முதல்வர் கருணாநிதி பெயரிலும் ஏன் பல்கலைக்கழகம் அமைக்கக் கூடாது?

ம.சிந்தனைச் செல்வன் (விசிக): தமிழர்களின் அடையாளத்தை பண்பாட்டுத் தளத்திலும் மீட்டெடுத்தவர் கருணாநிதி. அவரது பெயரால் பல்கலைக்கழகம் அமைப்பது பொருத்தமானதாக இருக்கும்.