மயானத்துக்கு சடலம் கொண்டு செல்ல எதிர்ப்பு: உறவினர்கள் சாலை மறியல்

கடலூர் மாவட்டம், பெண்ணாடம் அருகே இறந்தவரின் சடலத்தை குடியிருப்பு வழியாக மயானத்துக்குக் கொண்டு செல்ல ஒரு தரப்பினர் எதிர்ப்புத் தெரிவித்ததால், இறந்தவரின் உறவினர்கள் மற்றும் கிராம மக்கள் சாலை மறியலில் ஈடுபட்டனர்.

- 

நெய்வேலி, ஆகஸ்ட் 2:

பெண்ணாடத்தை அடுத்துள்ள துறையூர் கிராமத்தைச் சேர்ந்த இரண்டு சமுதாய மக்கள் அங்குள்ள வெள்ளாற்றங்கரை மயானத்தில் இறந்தவர்களின் உடலை அடக்கம் செய்து வந்தனர். சடலம் கொண்டு செல்லும் வழியில் ஒரு பகுதி மக்கள் வசிக்கும் இடத்தில் மாரியம்மன் கோயில் உள்ளது. கோயில் விசேஷ நாட்களில் இறந்தவர்களின் சடலத்தை கொண்டு செல்லக் கூடாது என நீண்ட காலமாக எதிர்ப்புத் தெரிவித்து வருகின்றனர்.