புதிதாக 208 நலவாழ்வு மையங்கள்; 50 ஆரம்ப சுகாதார நிலையங்கள்

தமிழகத்தில் புதிதாக அமைக்கப்பட்ட 208 நகர்ப்புற நலவாழ்வு மையங்கள், 50 ஆரம்ப சுகாதார நிலையங்களை முதல்வர் மு.க.ஸ்டாலின் வியாழக்கிழமை திறந்துவைத்தார்.

- 

சென்னை, ஜூலை 3:

சென்னை அடையாறு சாஸ்திரி நகரில் நடைபெற்ற நிகழ்ச்சியில் பங்கேற்ற முதல்வர் அந்த மையங்களை பொதுமக்கள் பயன்பாட்டுக்கு தொடங்கிவைத்தார்.

இதுதொடர்பாக வெளியிடப்பட்ட செய்திக்குறிப்பு:

தமிழக மக்களுக்கு உயர்தர மருத்துவ வசதிகள் கிடைத்திடும் நோக்கில் அனைத்து விதமான நலப்பணிகளையும், திட்டங்களையும் அரசு செயல்படுத்தி வருகிறது. அந்த வகையில் கிராமப்புறங்களில் ஆரம்ப சுகாதார நிலையங்கள், துணை சுகாதார நிலையங்கள் இருப்பதைப் போல சென்னை மாநகராட்சி உள்ளிட்ட 21 மாநகராட்சிகள், 63 நகராட்சிப் பகுதிகளில் 708 நகர்ப்புற நலவாழ்வு மையங்கள் ரூ.177 கோடி மதிப்பீட்டில் புதிதாக அமைக்கப்படும் என்று முதல்வர் மு.க.ஸ்டாலின் சட்டப்பேரவையில் அறிவித்தார்.