வணிகர் தினமான மே 5 அரசு விடுமுறை

முதல்வர் மு.க.ஸ்டாலின் அறிவிப்பு

- 

மதுராந்தகம், மே 5: வணிகர் தினமான மே 5-ஆம் தேதியை அரசு விடுமுறை நாளாக அறிவிக்கும் வகையிலான அரசாணை விரைவில் வெளியிடப்படும் என தமிழ்நாடு வணிகர் சங்கங்களின் பேரமைப்பின் 42-ஆவது மாநாட்டில் முதல்வர் மு.க.ஸ்டாலின் தெரிவித்தார்.

தமிழ்நாடு வணிகர் சங்கங்களின் பேரமைப்பு சார்பில், மதுராந்தகத்தில் 42-ஆவது மாநாடு திங்கள்கிழமை நடைபெற்றது. இந்த மாநாட்டில் சிறப்பு விருந்தினராக கலந்துகொண்டு முதல்வர் மு.க.ஸ்டாலின் பேசியதாவது:

வணிகர் சங்கங்களின் பேரமைப்பு சார்பில் ஆண்டுதோறும் நடைபெறும் மாநாட்டில் பங்கேற்று வருகிறேன். ஆண்டுதோறும் வணிகர்களால் கொண்டாடப்படுகிற மே 5-ஆம் நாளை அரசு விடுமுறையாக அறிவிக்க வேண்டும் என்ற கோரிக்கையை நிறைவேற்றும் வகையில், விரைவில் அதற்கான அரசாணை வெளியிடப்படும்.