காஸா நிவாரணக் கப்பல் மீது ட்ரோன் தாக்குதல்

இஸ்ரேல் மீது குற்றச்சாட்டு

- 

டெல் அவிவ், மே 2: காஸாவுக்கு உதவிப் பொருள்கள் ஏற்றிச் சென்ற கப்பல் மீது வெள்ளிக்கிழமை ட்ரோன் தாக்குதல் நடத்தப்பட்டது. இந்தத் தாக்குதலை இஸ்ரேல் ராணுவம் நடத்தியதாக அந்தப் பொருள்களைக் கொண்டு வந்த சேவை அமைப்பு குற்றஞ்சாட்டியது.

இதுகுறித்து ஃப்ரீடம் ஃபிளோட் டலா கூட்டணி என்ற அந்த அமைப்பு வெளியிட்ட அறிக்கையில் தெரிவிக்கப்பட்டதாவது: நிவாரணப் பொருள்களுடன் காஸாவை நோக்கிச் சென்றுகொண்டிருந்த 'கான்ஷன்ஸ்' கப்பல் மீது வெள்ளிக்கிழமை ட்ரோன் தாக்குதல் நடத்தப்பட்டது. மால்டாவிற்கு அருகிலுள்ள சர்வதேச கடல் எல்லையில் அந்தக் கப்பல் இருந்தபோது இந்தத் தாக்குதல் நடத்தப்பட்டது.

கப்பலின் மின் உற்பத்தி மையத்தைக் குறிவைத்து இந்தத் தாக்குதல் நடத்தப்பட்டது. இதன் விளைவாக, கப்பலில் பெரிய துளை ஏற்பட்டு மின் சாரம் துண்டிக்கப்பட்டது. இந்த சேதத்தால் கப்பல் மூழ்கும் அபாயத்தில் உள்ளது.