இந்தியா வல்லரசு ஆவதை எந்த சக்தியாலும் தடுக்க முடியாது

இந்தியா வல்லரசு நாடாக உருவெடுப்பதை உலகின் எந்த சக்தியாலும் தடுக்க முடியாது என்று பாதுகாப்புத் துறை அமைச்சர் ராஜ்நாத் சிங் உறுதிபட தெரிவித்தார்.

- 

ரெய்சன் (ம.பி) ஆக. 10:

உலகிலேயே மிகவும் துடிப்பான, ஆற்றல் மிக்க பொருளாதாரமாக இந்தியா விளங்குகிறது; ஆனால், 'தாங்களே அனைவருக்கும் எஜமானர் என்ற அணுகுமுறைகொண்ட சிலருக்கு இது பிடிக்கவில்லை என்றும் அவர் குறிப்பிட்டார்.

இந்தியா மீது உச்சபட்சமாக 50 சதவீத இறக்குமதி வரி விதித்த அமெரிக்க அதிபர் டொனால்ட் டிரம்ப், இந்திய பொருளாதாரம் செயலற்றுவிட்டதாக கடுமையாக விமர்சித்தார். அவருக்கான மறைமுக பதிலடியாக பாதுகாப்பு அமைச்சரின் மேற்கண்ட கருத்துகள் அமைந்துள்ளன.

மத்திய பிரதேச மாநிலம், ரெய்சனில் பாரத் எர்த் மூவர்ஸ் நிறுவனத்தின் புதிய ரயில் பெட்டி தொழிற்சாலைக்கு ஞாயிற்றுக்கிழமை அடிக்கல் நாட்டிய ராஜ்நாத் சிங், பின்னர் பேசியதாவது: