மதுரை - தூத்துக்குடி சுங்கச்சாவடி கட்டண வசூல் நிறுத்த உத்தரவுக்கு உச்சநீதிமன்றம் தடை

மதுரை - தூத்துக்குடி தேசிய நெடுஞ்சாலையில் இந்திய தேசிய நெடுஞ்சாலை ஆணையம் (என்எச்ஏஐ) சுங்கச்சாவடி கட்டணம் வசூலிப்பதை நிறுத்தி வைத்த சென்னை உயர்நீதிமன்ற உத்தரவுக்கு உச்சநீதிமன்றம் திங்கள்கிழமை தடை விதித்தது.

- நமது நிருபர்

புது தில்லி, ஜூன் 9:

தூத்துக்குடி மாவட்டத்தைச் சேர்ந்தவரும், தமிழ்நாடு மின் உற்பத்தி மற்றும் பகிர்மானக் கழகத்தின் ஓய்வுபெற்ற உதவி நிர்வாகப் பொறியாளருமான வி. பாலகிருஷ்ணன் என்பவர் தாக்கல் செய்த மனுவை விசாரித்த சென்னை உயர்நீதிமன்ற டிவிஷன் அமர்வு, சுங்கச்சாவடி கட்டணம் வசூலிப்பதற்கு தடை உத்தரவை பிறப்பித்திருந்தது.