இந்தியா-பாகிஸ்தான் சண்டையிட்டால் வர்த்தக ஒப்பந்தம் கிடையாது

ஐ.நா. மாநாட்டில் இந்தியா குற்றச்சாட்டு

- 

புது தில்லி, மே 31: எல்லை தாண்டி பயங்கரவாதம் மூலம் சிந்து நதிநீர் ஒப்பந்தத்தை மீறும் பாகிஸ்தான், அதற்கான பழியை இந்தியா மீது சுமத்துவதைத் தவிர்க்க வேண்டும் என்று ஐ.நா. மாநாட்டில் இந்தியா வலியுறுத்தியது.

தஜிகிஸ்தானின் துஷான்பே நகரில் பனிப்பாறைகள் பாதுகாப்பு குறித்த முதல் ஐ.நா. மாநாடு கடந்த வியாழக்கிழமை தொடங்கி 3 நாள்களாக நடைபெற்றது.

உலகளாவிய சுற்றுச்சூழல் சமநிலையைப் பராமரிப்பதிலும், நீர் தொடர்பான சவால்களை எதிர்கொள்வதிலும் பனிப்பாறைகளின் முக்கியப் பங்கை எடுத்துக் காட்டுவதை நோக்கமாகக் கொண்ட இந்த மாநாட்டில் 80 ஐ.நா. உறுப்பு நாடுகள் மற்றும் 70 சர்வதேச அமைப்புகளைச் சேர்ந்த 2,500-க்கும் மேற்பட்ட பிரதிநிதிகள் கலந்து கொண்டனர்.

இந்த மாநாட்டில் இந்தியா சார்பில் உரையாற்றிய மத்திய சுற்றுச்சூழல் துறை இணையமைச்சர் கீர்த்திவர்தன் சிங், 'ஐ.நா.வை தவறாக பயன்படுத்தும், ஐ.நா. அமைப்பின் அதிகார வரம்புக்குள் வராத பிரச்னைகள் குறித்து தேவையற்ற கருத்துகளைத் தெரிவிக்கும் பாகிஸ்தானின் முயற்சிகள் வியப்பளிக்கின்றன. இத்தகைய முயற்சிகளை நாங்கள் கடுமையாகக் கண்டிக்கிறோம்.