சிந்து நதி ஒப்பந்த நிறுத்தம் மறுபரிசீலனை: இந்தியாவுக்கு பாகிஸ்தான் வேண்டுகோள்

சிந்து நதி நீர் ஒப்பந்த நிறுத்த நடவடிக்கையை மறுபரிசீலனை செய்ய வேண்டும் என்று இந்தியாவுக்கு பாகிஸ்தான் வேண்டுகோள் விடுத்துள்ளதாக தகவலறிந்த வட்டாரங்கள் தெரிவித்தன.

- 

புது தில்லி, மே 15:

இந்திய நீர்வளத் துறை செயலருக்கு பாகிஸ்தான் அனுப்பியுள்ள பதில் கடிதத்தில் இக்கோரிக்கை முன்வைக்கப்பட்டுள்ளதாக கூறப்படுகிறது. அதேநேரம், பாகிஸ்தானின் கடிதம் தொடர்பாக அமைச்சகம் தரப்பில் அதிகாரபூர்வமாக எதுவும் தெரிவிக்கப்படவில்லை.

பஹல்காமில் கடந்த ஏப்ரல் 22-ஆம் தேதி 26 பேர் கொல்லப்பட்ட பயங்கரவாதத் தாக்குதலில் பாகிஸ்தானின் தொடர்புகள் உறுதி செய்யப்பட்டதால், அந்நாட்டுக்கு எதிராக இந்தியா ராஜீய ரீதியில் பல்வேறு நடவடிக்கைகள் மேற்கொண்டது. சிந்து நதி நீர் பகிர்வுக்கான 65 ஆண்டு கால ஒப்பந்தம் நிறுத்திவைப்பு, எல்லைகள் மூடல், விசா ரத்து போன்ற நடவடிக்கைகள் எடுக்கப்பட்டன.