பள்ளி தண்ணீர்த் தொட்டியில் விழுந்த சிறுமி உயிரிழப்பு

மதுரை தனியார் மழலையர் பள்ளியில் செவ்வாய்க்கிழமை தண்ணீர்த் தொட்டியில் விழுந்த 4 வயது சிறுமி உயிரிழந்தார்.

- 

மதுரை, ஏப். 29: மதுரை தனியார் மழலையர் பள்ளியில் செவ்வாய்க்கிழமை தண்ணீர்த் தொட்டியில் விழுந்த 4 வயது சிறுமி உயிரிழந்தார். இந்தச் சம்பவம் தொடர்பாக அந்தப் பள்ளியின் தாளாளர் உள்பட 5 பேரிடம் போலீஸார் விசாரணை நடத்தி வருகின்றனர். மேலும், பள்ளிக்கு 'சீல்' வைக்கப்பட்டது.

மதுரை கே.கே. நகர் பகுதியில் தனியார் மழலையர் பள்ளி செயல்பட்டு வருகிறது. தற்போது, பள்ளிக்கு விடுமுறை விடப்பட்டுள்ள நிலையில், கோடைகால சிறப்பு வகுப்புகளாக ஓவியம், பேச்சு, விளையாட்டு உள்ளிட்டவை நடைபெற்று வந்தன.