சூர்யவன்ஷி சாதனை; ராஜஸ்தான் அதிரடி வெற்றி

ஐபிஎல் போட்டியின் 47-ஆவது ஆட்டத்தில் ராஜஸ்தான் ராயல்ஸ் 8 விக்கெட்டுகள் வித்தியாசத்தில்குஜராத் டைட்டன்ஸை திங்கள்கிழமை வீழ்த்தியது.

- 

ஜெய்பூர், ஏப். 28: ஐபிஎல் போட்டியின் 47-ஆவது ஆட்டத்தில் ராஜஸ்தான் ராயல்ஸ் 8 விக்கெட்டுகள் வித்தியாசத்தில்குஜராத் டைட்டன்ஸை திங்கள்கிழமை வீழ்த்தியது.

முதலில் குஜராத் 20 ஓவர்களில் 4 விக்கெட்டுகள் இழப்புக்கு 209 ரன்கள் சேர்க்க, ராஜஸ்தான் 15.5 ஓவர்களில் 2 விக்கெட்டுகள் இழந்து 212 ரன்கள் எடுத்து வென்றது.

பிளே ஆஃப் பந்தயத்தில் தன்னை தக்கவைத்துக்கொள்ள இந்த ஆட்டத்தில் வென்றே தீர வேண்டிய கட்டாயத்தில் களமிறங்கிய ராஜஸ்தான் தரப்பில், இளம் பேட்டரான வைபவ் சூர்யவன்ஷி அதிரடியாக சதம் விளாசி அணியின் வெற்றிக்கு வித்திட்டார். யஷஸ்வி ஜெய்ஸ்வாலும் ரன்கள் சேர்த்து அவருக்குத் துணை நின்றார்.