உயர் கல்வி மாணவர்கள் தற்கொலைத் தடுப்புக்கு 3 ஆய்வுக் குழுக்கள்

இந்திய தொழில்நுட்ப நிறுவனங்கள் (ஐஐடி-கள்) உள்ளிட்ட உயர்கல்வி நிறுவனங்களில் நடைபெறும் தற்கொலை சம்பவங்களைத் தடுப்பதற்கான தேசிய பணிக் குழுவின் முதல் நேரடிக் கூட்டம் தில்லியில் திங்கள் கிழமை நடைபெற்றது.

- நமது சிறப்பு நிருபர்

நமது சிறப்பு நிருபர் புது தில்லி, ஏப். 14: இதில் தற்கொலைத் தடுப்பு மற்றும் மாணவர்களின் மனநலம் நல்வாழ்வு குறித்த தீர்வுக்கு மூன்று ஆய்வுக் குழுக்கள் அமைக்கப்பட்டன.

உச்சநீதிமன்ற முன்னாள் நீதிபதி எஸ்.ரவீந்திர பட் தலைமையிலான இந்த தேசிய பணிக்குழுவில் மத்திய உயர்கல்வித் துறை செயலர் வினித் ஜோஷி, மத்திய சமூக நீதித் துறை செயலர் அமித் யாத்வ், மத்திய மகளிர், குழந்தைகள் மேம்பாட்டுத் துறைச் செயலர் அனில் மாலிக் மற்றும் சட்டம், நீதித்துறை, மத்திய சுகாதாரத் துறை அதிகாரிகள், மகளிர் மேம்பாட்டு ஆய்வுகள் மையப் பிரதிநிதிகள், பல்வேறு அறிவியல் மற்றும் ஆராய்ச்சி நிறுவன ஆலோசகர்கள், மனநல மருத்துவர்கள் உள்பட 15 பேர்கள் உறுப்பினர்களாக இடம் பெற்றுள்ளனர். இவர்கள் இந்த கூட்டத்தில் கலந்துகொண்டனர்.