கனிம அறக்கட்டளை நிதிச் செயல்திறன் மேம்பாட்டுக்கு புதிய பிரிவு

மத்திய சுரங்கத் துறை நடவடிக்கை

- நமது சிறப்பு நிருபர்

நமது சிறப்பு நிருபர் புது தில்லி, ஏப்.14 : நாடு முழுவதும் கனிம சுரங்கம் தொடர்பான நடவடிக்கைகளால் பாதிக்கப்பட்ட பகுதி மக்களின் மேம்பாட்டிற்கான பிரதமரின் கனிமத் துறை நலத் திட்டத்தை (பிரதான் மந்திரி கனிஜ் க்ஷேத்ர கல்யாண் யோஜனா) சீராக செயல்படுத்த மாநிலங்களுடன் ஆக்கபூர்வமான ஒருங்கிணைப்பிற்கு வசதியாக ஒரு திட்ட மேலாண்மைப் பிரிவை அமைக்க மத்திய சுரங்கத் துறை அமைச்சர் கிஷன் ரெட்டி உத்தரவிட்டுள்ளதாக மத்திய சுரங்கத் துறை அதிகாரிகள் தெரிவித்தனர்.

நாடு முழுவதும் பல்வேறு கனிமங்களை எடுக்க சுரங்க நடவடிக்கைகள் நடைபெறுகின்றன. இந்த நடவடிக்கைகளின்போது உள்ளூர் மக்கள் பல்வேறு வகைகளில் பாதிக்கப்படுகின்றனர். இதை முன்னிட்டு மத்திய அரசு கடந்த 2015-ஆம் ஆண்டு, சுரங்க நடவடிக்கைகளில் பாதிக்கப்பட்ட பகுதிகள் மற்றும் மக்களின் நலன்களை மேம்படுத்துவதற்காக மத்திய சுரங்கத் துறை அமைச்சகத்தால் பிரதமரின் கனிமத் துறை நலத் திட்டம் (பிஎம்கேகேகேஒய்) செயல்படுத்தப்படுகிறது.

இத்திட்டத்தை நடைமுறைப்படுத்த சுரங்கப் பணி நடைபெறும் பகுதிகளில் மாவட்ட கனிம அறக்கட்டளைகள் (டிஎம்எஃப்கள்) அமைக்கப்பட்டுள்ளன.