கரும் பலகையிலிருந்து கைப்பேசிக்கு மாறிவிட்டது கல்வி

ஒரு காலத்தில் கல்வி என்பது கரும் பலகை மூலமே மட்டுமே கற்பிக்கப்பட்டது; ஆனால், இன்றைய தலைமுறையினர் கைப்பேசி செயலிகள் மூலமே அதிக விஷயங்களை கற்றுக் கொள்கின்றனர் என்று மத்திய பாதுகாப்புத் துறை அமைச்சர் ராஜ்நாத் சிங் தெரிவித்தார்.

- 

ஜோத்பூர், ஆக. 25:

ராஜஸ்தான் மாநிலம், ஜோத்பூரில் திங்கள்கிழமை நடைபெற்ற பாதுகாப்பு, விளையாட்டு அகாதெமி தொடக்க நிகழ்ச்சியில் பங்கேற்ற ராஜ்நாத் சிங் பேசியதாவது:

ஆபரேஷன் சிந்தூர் நடவடிக்கையின்போது எல்லையோர மக்கள் ராணுவத்துக்கு சிறப்பான ஒத்துழைப்பை அளித்தார்கள். நாட்டின் பல்வேறு பகுதிகளில் இருந்து மட்டுமல்லாது, வெளிநாடுகளில் இருந்தும் மக்கள் இந்தியாவின் பயங்கரவாத ஒழிப்பு நடவடிக்கைக்கு ஜாதி, மத, இன பேதமின்றி பேராதரவு தெரிவித்தனர்.

பஹல்காமில் பயங்கரவாதிகள் நமது சக குடிமக்களை அவர்களின் மதத்தை அடையாளம் கண்டுபிடித்துக் கொலை செய்தனர். ஆனால், பயங்கரவாதிகளை அவர்களின் செயல்களுக்காகவே நமது ராணுவம் வேட்டையாடியது.