தேக்கமடையும் வழக்குகள்: பள்ளிக் கல்வி அதிகாரிகளுக்கு முக்கிய அறிவுறுத்தல்

பள்ளிக் கல்வித் துறை தொடர்பான நீதிமன்ற வழக்குகள் தொடர்ந்து அதிகரித்து வரும் நிலையில், அது தொடர்பான நடைமுறைகளை முதன்மைக் கல்வி அலுவலர்கள் உள்ளிட்ட அதிகாரிகள் கால தாமதமின்றி விரைந்து முடிக்க வேண்டும் என துறையின் இயக்குநர் எஸ்.கண்ணப்பன் அறிவுறுத்தியுள்ளார்.

- 

சென்னை, மார்ச் 21: பள்ளிக் கல்வித் துறை தொடர்பான நீதிமன்ற வழக்குகள் தொடர்ந்து அதிகரித்து வரும் நிலையில், அது தொடர்பான நடைமுறைகளை முதன்மைக் கல்வி அலுவலர்கள் உள்ளிட்ட அதிகாரிகள் கால தாமதமின்றி விரைந்து முடிக்க வேண்டும் என துறையின் இயக்குநர் எஸ்.கண்ணப்பன் அறிவுறுத்தியுள்ளார். அவ்வாறு செயல்படாத அதிகாரிகள் மீது கடும் நடவடிக்கை எடுக்கப்படும் எனவும் எச்சரிக்கை விடுக்கப்பட்டுள்ளது.

தமிழகத்தில் பள்ளிக் கல்வித் துறை சார்ந்த வழக்குகள் நீதிமன்றங்களில் அதிகளவில் நிலுவையில் உள்ளன. குறிப்பாக, ஆசிரியர்களுக்கு சம்பளம், ஊதிய முரண்பாடு, பணி வரன்முறை கள், பதவி உயர்வு போன்றவற்றை மாவட்ட அளவிலும், மாநில அளவிலும் சரியாக மேற்கொள்ளாமல் இருப்பதால் ஆசிரியர்கள் நீதிமன்றங்களை நாடுகின்றனர். அங்கு தங்கள் தரப்பு நியாயங்களை எடுத்துக்கூறி தீர்ப்பை பெற்றாலும் அவற்றை நிறைவேற்றுவதில் அதிகாரிகள் தாமதித்து வருவதாக அவ்வப்போது புகார்கள் எழுகின்றன.