இந்தியா-ரஷியா உறவை மேம்படுத்த புதிய ஆக்கபூர்வமான அணுகுமுறைகள்

அமெரிக்காவுடன் ஆன உறவில் ஏற்பட்டுள்ள பதற்றமான சூழ்நிலைகளுக்கு மத்தியில், 'இந்தியா-ரஷியா உறவுகளை மேம்படுத்த புதிய மற்றும் ஆக்கபூர்வமான அணுகுமுறைகளைக் கையாள வேண்டும்' என்று மத்திய வெளியுறவுத் துறை அமைச்சர் எஸ்.ஜெய்சங்கர் அழைப்பு விடுத்துள்ளார்.

- 

மாஸ்கோ, ஆக. 21:

மூன்று நாள் அரசுமுறைப் பயணமாக ரஷியா சென்றுள்ள அமைச்சர் ஜெய்சங்கர், அந்நாட்டு துணைப் பிரதமர் டெனிஸ் மாண்டுரோவை மாஸ்கோவில் சந்தித்தபோது இவ்வாறு தெரிவித்தார். இந்தியா-ரஷியா அரசுகளுக்கு இடையேயான வர்த்தகம், பொருளாதாரம், அறிவியல், தொழில்நுட்பம் மற்றும் கலாசார ஒத்துழைப்புக்கான ஆணைய (ஐஆர்ஐஜிசி-டிஇசி) கூட்டத்தில் டெனிஸ் மாண்டுரோவுடன் இணைந்து ஜெய்சங்கர் பங்கேற்றார்.