காப்பீட்டுத் துறையில் 100% அந்நிய நேரடி முதலீட்டு அனுமதி வேலைவாய்ப்பை உருவாக்கும்

மத்திய நிதியமைச்சர் நிர்மலா சீதாராமன்

- 

புது தில்லி, ஆக.12: காப்பீட்டு நிறுவனங்களில் அந்நிய நேரடி முதலீட்டு வரம்பை 100 சதவீதமாக உயர்த்துவது, வேலை வாய்ப்பை உருவாக்கும் என்று மத்திய நிதியமைச்சர் நிர்மலா சீதாராமன் நாடாளுமன்றத்தில் நம்பிக்கை தெரிவித்தார்.

மேலும், 'தொழில்நுட்ப மேம்பாடு, கணினிமயமாக்கல் உள்ளிட்ட நடவடிக்கைகள் காப்பீடு நடைமுறைகள், உரிமை கோரல்களுக்கான கால விரயத்தையும், செலவினத்தையும் குறைக்க உதவுவதோடு, காப்பீட்டுத் துறையின் ஒட்டுமொத்த திறனையும் மேம்படுத்தும்' என்றும் அவர் குறிப்பிட்டார்.

முன்னதாக, கடந்த பிப்ரவரி 1-ஆம் தேதி நாடாளுமன்றத்தில் நிதிநிலை அறிக்கையை (பட்ஜெட்) தாக்கல் செய்த நிர்மலா சீதாராமன், இந்திய காப்பீடு நிறுவனங்களில் அந்நிய நேரடி முதலீடு வரம்பு 74 சதவீதத்திலிருந்து 100 சதவீதமாக உயர்த்தப்படும் என்ற அறிவிப்பை வெளியிட்டார்.