இந்திய ஜனநாயக வரலாற்றில் இருண்ட அத்தியாயம் அவசரநிலை

இந்திய ஜனநாயக வரலாற்றில் இருண்ட அத்தியாயங்களில் ஒன்று அவசரநிலை; அந்தக் காலகட்டத்தில், அரசமைப்புச் சட்ட ஆன்மா மீறப்பட்ட விதத்தை இந்தியர்கள் ஒருபோதும் மறக்கமாட்டார்கள் என்று பிரதமர் நரேந்திர மோடி தெரிவித்தார்.

- 

புது தில்லி, ஜூன் 25:

முன்னாள் பிரதமர் இந்திரா காந்தியால் கடந்த 1975, ஜூன் 25 முதல் 1977, மார்ச் 21 வரை 21 மாதங்களுக்கு நாடு முழுவதும் அவசரநிலை பிரகடனப்படுத்தப்பட்டது. உள்நாட்டு மற்றும் வெளிநாட்டு அச்சுறுத்தல்களைக் காரணம் காட்டி, இந்த நடவடிக்கை மேற்கொள்ளப்பட்டது. இந்தக் காலகட்டத்தில், மக்களின் அரசமைப்புச் சட்ட உரிமைகள் முடக்கப்பட்டு, பத்திரிகை சுதந்திரம் கட்டுப்படுத்தப்பட்டது. அரசியல் கட்சித் தலைவர்கள் உள்பட பலர் கைது செய்யப்பட்டு சிறையில் அடைக்கப்பட்டனர். ஆர்எஸ்எஸ் உள்ளிட்ட பல்வேறு அமைப்புகள் தடை செய்யப்பட்டன. சுதந்திர இந்தியாவில் பெரும் சர்ச்சைக்குரிய காலகட்டமாக இது வர்ணிக்கப்படுகிறது.